Målmannen

Målstrid utan perspektiv endå ein gong

2009-12-16T18:45:00.005+01:00

Pietismen hev sine ljose og sine negative sidor. Pietismen er derimot ikkje berre eit spursmål um den rette læra. Den hev òg stor yverføringseffekt anten det er til nazismen eller sosialismen. Det interessante er vel at det kanskje framfor nokon var Tyskland som vart fengd av denne bylgja, medan britane religiøst sett vart splitta upp i mange dissentarsamfund, noko som òg sermerkar USA. Landet der ein hev 1. 2. 3. 4. 5 og so burtetter kyrkja av den eine og den andre trui.

Vel Spener og pietistane var svært upptekne av at ein skulde fylgja den rette læra og leva i sanning som Kierkegaard formulerte det noko seinare. Det skulde vera samsvar millom gudstru og levesett. Pietismen slo godt an i det eineveldige Danmark- Noreg, som helst vilde ha seg fråbeden både jødar og jesuittar. Noreg heldt fram i same tytefaret etter utgangen av dansketidi.

Målfolki er dundrande pietistar. Det ligg naturleg nok i heile saki. Eit norsk mål for Noreg. Det er ein so stor tanke at når ein ikkje hev næringslivet og embetsstand med seg, so er det berre reinleiken i ord og tanke som må fylgjast. Ja, jamvel i framferd. På målmøte og i målrørslesamanheng gjeld det òg å saumfara folks truskap, trass i at lista yver dei fråfalne er stor.

I starten på målreisingssoga var det ein kallstanke å reisa upp det norske målet i skrift og tale, men seinare vart det til at det viktigaste for å vera ein god "nynorsking", for kjønnsnøytrale ord må ein ha - måvita - det var at ein tala dialekt og skreiv eit slags nynorsk.

I dag er det derimot vorte slik i TV2 at leidande nynorskfolk skriv bokmål og knotar dialekt, for nynorsk må dei for all del ikkje lesa. Det er fårleg. Me kjem til å enda upp med at målbruken i media vert like interessant som folkevisone i dansketidi. Det er symptomatisk at ei av vermeldingsdamone - som hev introdusert det unorske ordlaget me sjåast- måtte syngja ei folkevisa når ho hadde ei av vermeldingane sine.

Det finst etter mitt syn tvo vegar å gå folkevisevegen beint inn i forfallet frå dansketidi eller preiketekstvegen som hev fylgt oss som ikkje berre ein religiøs formidlar, men òg som eit mediesystem gjenom mest tusund år.

Preikone var det som tok vare på den retoriske tankegangen frå antikken. Det beste uttrykket for dette i norrøn tid, er gamal norsk homiliebok. Skal ein reisa det norske målet er det attende til retorikken ein må.

So vil alle dei romantiske pietistane i målrørsla segja at ein fær ikkje til nokon framgang for det norske målet utan romantikk. Ja, kor vart det var retorikken i millomaldaren, då? Håkon Håkonson fekk umsett stjorn og ei rad andre skrifter, han var neppe nokon stor romantikkar tilliks med dei som trur på Goethe, Wergeland og Welhaven. Ivar Aasen var vel knappast nokon romantikar han heller, men ein jamn arbeidskar som freista å få greida på målet med systematikk og logisk evna. Den var so stor at dei som hev drive på med verket hans i ettertid hev kludra til meir enn retta upp. Dei hev ikkje reist det som velt er, men velta det umatt.

Det er ei slik umvelting som dialektsykja spreider rundt seg. Det er irrelevant å høyra på dei fleste som studerar norsk mål, for dei tenkjer ofte berre romantisk, anarkistisk, nihilistisk eller kva annan merkelapp ein set på det. Det som er heilt visst er at talemålet kannhenda fær eit noko lengre liv i dag enn tidlegare gjenom mediesituasjonen i dag. Men målet som vert nytta fær knappast noko større prestisje av den grunn. Bokmålet et seg fram på alle frontar, jamvel der journalistar med nynorskbakgrunn burde ha nytta nynorsk, kjem bokmålet inn. Dialektane gjev ikkje noko vern mot bokmål, snarare tvert um.

Diktaren som geni med guddomeleg innsikt slik ein såg han fyre seg i romantikken, kann ikkje umskapast til ideologi for nyhendeupplesarar. Det er den dansktalande presten som kjem inn og mosar genii til pinneved. Nyhendeupplesarar som knotar dårleg bokmål og kallar det dialekt reduserar seg sjølve til skjønnlitterære forfattarar på 7. divisjonsnivå. Preikone vert til forbanna lygn og dikt. Dei bannar i kyrkja.

Dei burde ha lesa Aristoteles, Cicero, Quintilian og homilieboki, men dei held seg på dårleg eventyr og folkevisenivå. Journalistar som ikkje kann retorikk, og fylgjer sjangertrekki i 1800-talsromantikken, burde vore ubrukelege, men i staden for framsteller pressa dei som frontfigurar i den endelause farsen som gjerne vert umtala som målstriden. Det er eit maskespel av narrar og klovnar som for lengst burde ha vore avslutta, men som jamnast kann føra til endelause kjedekollisjonar av lesarbrev.

Stå på, Ingerid!

2009-12-16T14:12:00.000+01:00

Klart at Ingerid Stenvold skal få snakka Målselv-dialekta si på lufta i NRK. Det er langt på yvertid at NRK kjem etter på dette umrådet. Ein vilde då t.d. ikkje sila ut ein engelskmann som talar cockney, eller ein Newyorkar som talar NewYork-dialekt (fåist – first, nåise – nurse), vilde ein?

At Finn Erik Vinje er usamd i dette kjem vel neppe som nokor bombe. Mannen som greidde forvrengja uttalen av namnet på den koreanske hovudstaden, burde heller setja seg beint ned og lukka kjeften sin.

Eit språk kan i grunnen aldri verta ”normalisert” meir enn nett i dialektsform. Når det vert frose ned i standardar, døyr språket ut – og det drep kulturen. Men soleides tykkjest ikkje nyhetsanker Nina Owing å skyna seg på, men så snakkar ho eit flatt mål sjølv når ho er på lufta. ”NRK-dialekta” er stort sett som lendet på austlandet – flat og konturlaust korsom er.

Ingvild Bryn er vel heller ikkje den som skal snakka høgast, for den svokallade nynorsken hennar er statisk og livlaus som få, helst berre forbigått av Sølve Grotmol.

Dagsrevy-sjef Per Arne Kalbakk har her gjort eit heilt riktig val. Vonaleg kan dette vera eit brot med det sosialistiske antikulturveldet i NRK.

Miljøvern og København

2009-12-13T18:38:00.003+01:00

Verdi gjeng av hengslane um det ikkje vert gjort noko med klimaet fær me vita. Vel, vel alt er relativt og klimaet hev både vore varmare og kaldare enn i dag.

Det som er heilt visst er iallfall at verdi gjeng av hengslane kvar gong det skal vera eit klimatoppmøte. Då kjem alle kristensosialistane, raddisane, yrkesdemonstrantane, miljølobbyistane og so burtetter på bana. Bråket og levenet med demonstrasjonar og karneval i Kjøbenhavn er mest til å le seg krokute av.

Millom anna 9 biskopar og eit upptog av kristne frå Noreg skulde ha klimagudstenesta i København. Desmond Tutu skulde halda klimatale. Norske demonstrasjonar klagar yver at dei vart stripsa, og danske raddisar klagar yver at dei ikkje fær laga kaos. Det er jo ein demokratisk rett, må vita.

Og når ein ikkje kann fisa utan at ein aukar miljøureiningi, so må all reisingi til København vera fullstendig øydeleggjande både for isbjørnar og anna liv på planeten.

Pontoppidan um den gode læraren

2009-12-06T22:09:00.003+01:00

Eg må segja at det finst ein del godbitar for dei som vil studera tilhøve millom elev og lærar. Ein slik godbit er Jens Bjørnboes kort essay om den gode elev. Men då eg kom yver godbiten frå Pontoppidan nedanfor, humra eg grundig. Det finst verkeleg sure lærarar framleis og denne refleksjonen hev ikkje vorte mindre interessant på dei siste 200 åri

"Enda en ting er ønskelig ved katekisering, og verd å legge vinn på, nemlig et mildt, muntert og behagelig vesen hos læreren. Unge folk er oftest gemyttlige, og elsker godt humør, mens det motsatte byr dem imot. Dette bør læreren prøve å innrette seg etter såvidt hans naturell tillater. Han bør legge vinn på mildhet, vennlighet, og alt som kan gjøre at hans ord blir vel mottatt, at de unge synes godt om ham. Ofte taper Guds ord noe av sin kraft fordi læreren er altfor pedantisk, sur og mørk i sin fremferd. Det ubehagelige ved personen virker på hans ord og gjerning, og det skjer aller lettest blant unge og uforstandige mennesker. En prest som ser surt på dem og taler strengt til dem, virker på dem som en ubehagelig "busemann". Og når han fremfor andre kalles en Guds mann eller Guds tjener, så vil assosiasjonen gi dem et feilaktig begrep om den gode Gud selv, han som er Ordets Herre." (Språklig modernisert av dr.teol. Oddvar J. Jensen)

Sveits sjokkerar pk-etablissementet

2009-12-01T00:06:00.003+01:00

Seks av ti sveitsarar skal ha sagt nei til minaretar i Sveits. Yverskriftene er store i svenske avisor: http://www.document.no/2009/11/sverige_i_fistel_over_sveits.html

Elles merkar eg meg at honestthinking hev teke inn ein kronikk frå Jyllandsposten som påpeikar at det er dei 47 domarane i menneskerettsdomstolen som avgjer kva som er gild moral. Ja, so fær vel berre sveitsarane venta på å verta irettesette av dette bruhovudet for islamisering.

Med dei rette parykkane minnar domarane meg mest av alt um dei barokke einevaldsherskarane. Kva fylgjor herredømet deira hev på oss andre kann ein berre undra seg på.

Sverigedemokratane på Nrk

2009-11-08T18:52:00.003+01:00

Nrk hev vore i Sverike og intervjua sverigedemokratane. Partiet vert umtala som islamfiendtleg og liknande, men i realiteten stend vel ikkje partiet for noko anna enn ei kritisk haldning til islam. Det er likevel nok til at leidaren for sosialdemokratane slær på stortromba. Ho meiner at alt er underordna å halda sverigedemokratane burte frå makti. Det interessante er at Mona Sahlin er so lite populær at folk heller vil ha Gøran Persson tilbake enn ha henne til statsministar, so kannhenda ho burde tenkja meir på seg sjølv og mindre på sverigedemokratane?

SOS-rasisme vedkjenner medlemsjuks

2009-11-05T23:12:00.003+01:00

Avisa Klassekampen kann i dag avsløra at SOS-rasisme hev drive råkøyr på å få medlemer. So mange som 15000 medlemer kann vera reine svindelmedlemer. 'No sender organisasjonen sjølv ut brev til 15000 påståtte medlemer og bed deim svara på um dei reknar seg som medlemer.

Det er folk som hev skrive seg på eit upprop eller som SOS-rasisme hev greidt å huka tak i på andre måtar. Organisasjonen gjer krav på å ha 37 000 medlemer i utgangspunktet, men dersom 15 000 er svindel, vil det segja at organisasjonen sjølv hev juksa til seg nesten halvparten av medlemsmassen sin. Og kannhenda er dette berre toppen av eit isfjell.

Det er jo påfallande at SOS-rasisme greider å få til so mykje i Oslo, medan med i praksis ikkje høyrer noko frå organisasjonen elles i landet. Det tyder på at organisasjonen er toppstyrd og at ressursane som er bygde på svindel i stor grad kjem toppleidingi til gode, medan ingen ser seg tente med sterke lokallag.

Liverpool ein by i mitt hjarta

2009-11-04T00:33:00.002+01:00

Det er minst fire grunnar til at eg likar Liverpool. 1)Hamneumrådet som er uvanleg velstelt og fagert 2) Liverpool fotballklubb som eg sympatiserar sterkt med 3) The Beatles 4) Byen er ein kulturby av dei sjeldsynte med eit stort bibliotek med opne hyllor, kunstgalleri av det sermerkte slaget og ikkje minst byen var fyrst ute med å skaffa seg eit symfoniorkester og den klassiske musikken stend sterkt i Liverpool. Og det var berre fire grunnar til at likar Liverpool.

Telefonkatalogen berre på nett frå no

2009-11-03T23:10:00.002+01:00

32 prosent av norske husstandar hev ikkje tilgang til internett. Likevel skal telefonkatalogen ikkje koma i papirformat lenger. Grunngjevingi er at ein skal spara pengar og miljø. Fyremunar med papir er det visst ingen som ser.

Det endar vel med at folk sluttar å tenkja og byrjar å tru at internett kann gjeva dei svar på alt. Men kva då med alt som ikkje ligg på internett? Er me so fatige i dag at me ikkje kann prenta telefonkatalogen, korleis hev me då havt råd til det so fatige som me hev vore i tidlegare tider?

Strømmen-upptak 2

2009-11-02T17:27:00.002+01:00

Marøy og Strømstad i Strømmen

2009-11-01T23:51:00.002+01:00

VG med dhimmi-tude sludder

2009-10-27T23:10:00.002+01:00

Det er ikkje måte på kvar ein skal få høyra um islam i desse tider. Når ein sit og studerar upplysningstidi i Europa, vil ein jo tru at det er relativt uaktuelt å sjå noko som helst samband til den islamske verdi. Men VG yverraskar dei fleste av oss med ein informativ artikkel um islam og upplysningstidi. Me fær vita at det var dei muslimske tenkjarar so og so som levde på 1100-talet eller fyrr som var inspirasjonskrafti. Ja, for so langt tilbake måtte ein gå for å finna nokon av verde for upplysningstidi på 1700-talet. Og dette er naturleg nok langt viktigare enn ev. inspirasjon frå Bysants, kristendomen, europeiske tenkjarar, Aristoteles osb. Lat oss setja Dhimmistatus på oss og kulturen vår med ein gong, serleg på upplysningstidi.

På toppen av det heile dei som vert umtala som muslimar hev i liknande tilfelle vore noko heilt, t.d. erkekjettarar, persarar eller kannhenda til og med kryptojødar. Um nokre hundreår vert for alt eg veit Karl Marx, Freud m.fl. til muslimar dei òg.

Det mest uppsiktsvekkjande er likevel at grunngjevingi for å trekkja fram ein anti-islamsk kjettarfilosof er at det hev vorte halde eit symposium i Egypt som hev vedteke det heile. Kvifor ikkje likso godt slå fast at det er burtkasta å skriva upplysande artiklar på undervisningssidone til VG, gjerne i SN-regi?

Det er visseleg mogleg å argumentera for at islam gjennomgjekk upplysningstidi p å 1100-talet, men det må likevel ha vore ufatteleg myrkt på den tidi, og kor ljoset vart av vil eg gjerne vita. Det hev ikkje vorte til nokor kveik for folk i arabarlandi

Utdrag frå VG-nett

Globale sammenliknende analyser av opplysningstida er mangelvare, mener historikerne Dorinda Outram og Jonathan I. Israel. Opplysningstida var ikke bare et vestlig fenomen, noe for eksempel historiker J.J. Clarke har dokumentert grundig i "Oriental Enlightenment" (1997). Jonathan I. Israel argumenterer for at Spinoza la grunnlaget for epoken, men hevder også at flere tenkere på 1600- og 1700-tallet var inspirert av muslimske filosofer. Det er ikke rart. Middelalderen i Europa var gullalderen lenger øst i Middelhavet. Perseren Ibn al-Rawandi (815-900) banet vei. Han avskrev all religion og erklærte seg en "erkekjetter". Mu'tazilite-sekten, som oppsto i Irak på 800-tallet, forsøkte å forene rasjonalitet og gudstro, og mange insisterte på at Koranen var menneskeskapt.

>En av opplysningstidas skarpeste kritikere av europeisk tyranni, Pierre Bayle (1674-1706), mente muslimske fritenkere helt konkret banet vei for opplysningstida, inkludert hans eget tankemønster. Ibn Tufayl (1105-1185) var en inspirasjonskilde, spesielt hans didaktiske bestselger om en gutt som vokser opp på en øde, tropisk øy og som utvikler selvstendig, fornuftsbasert tenkning. Fabelen utkom på nederlandsk i 1672, av den samme forleggeren som utga Spinoza. Tufayls bok var igjen inspirert av Ibn Sina (980-1037). Begge, sammen med Ibn Baija (d. 1138), var forløperen for den mest kjente tenkeren fra perioden, Ibn Rushd (1126-1198), også kalt Averroes. Han advarte mot å blande teologi og filosofi, avskrev ideen om sjelens udødelighet og benektet guddommelige mirakler.

Opplysningstenkeren Leibniz mente det var en direkte forbindelse mellom averroisme og Spinozas filosofi, og dermed opplysningstida. På 1990-tallet fikk dette synet støtte av 34 forskere fra 18 forskjellige land og fem kontinent, som møttes i Kairo for å diskutere Ibn Rushds påvirkning på den europeiske opplysningstida. Resultatet ble boka "Averroes and the Enlightenment", som utkom i 1996, med forord av FNs daværende generalsekretær Boutros-Ghali. Det lar seg altså gjøre å argumentere for at islam har gjennomgått opplysningstida - 500 år før Europa.

Fredrikstad og dei vinstreekstreme

2009-10-19T10:45:00.002+02:00

Ten folket og liknande vinstre-ekstreme gruppor stend tydelegvis sterkt i Fredrikstad. Berre sjå på desse plakatane som heng lett synleg i byen. Det er truleg fleire plakatar i Fredrikstad enn i Bergen, og det segjer jo litt for byen er under halvparten so stor som Bergen.

Fredrikstad med hyggjeleg hotell

2009-10-19T10:39:00.003+02:00

Hotellet ovanfor, Valhalla hotell, er i sanning eit triveleg hotell. Eg veit det for eg hev lege der i tvo dagar. Fantastisk solid plassert yver Fredrikstad sentrum, høver namnet: Valhalla veldig godt. Det er ikkje noko luksus-hotell, men det er triveleg og plasseringi er gild.

Noreg segjer nei til Gitmo-fangar

2009-10-19T10:33:00.003+02:00

Jonas Gahr Støre hev sagt nei til å taka inn Guantanamo-fangar. Noreg hev nok personar som er ein fåre for rikstryggleiken slær han fast. Dessutan er asylinstituttet pressa nok som det er, legg han til.

For ein gongs skuld må eg verkeleg segja at eg sluttar heilhjarta upp um Gahr Støre. Nei, til Gitmo fangar, hald dei på Cuba. Obama hev framleis 220 fangar der. Dersom alle nektar å taka imot deim, vert han ikkje kvitt deim. Då vert det spanande å sjå um han skal køyra alle gjenom det amerikanske rettssystemet. Det kann verta ein underhaldande prosess.

Bruce Springsteen nytt ideal i Vestmannalaget

2009-10-06T17:04:00.002+02:00

Det er nye tider i Vestmannalaget i Bergen, det eldste mållaget i landet. Ein meldar i laget gjer dette klårt i og med at han hyller Bruce Springsteen på framsida av lagsbladet, Vestmannen. Ja, kva er Per Sivle, Aasen, Vinje og Sivle mot Springsteen?

Nokon må læra Raudt folkeskikk

2009-09-24T00:58:00.002+02:00

Raudt kortsluttar og kuttar ut både folkeskikk og logikk. Denne gongen hev dei sett upp ulovlege plakatar i valkampen. Ikkje so rart sidan folk kring dette miljøet gjerne saboterar ytringsfridomen og den offentlege orden når dei kann.

Når dei vert konfronterte med dette, meiner dei at dei må takast på fersken um dei skal kunna straffast. Det same gjeld vel for alle lovbrot etter den logikken. So prøver dei seg med at dei ikkje kann kontrollera kven som set upp plakatane deira.

Det vil altso segja at dei delar ut valplakatar til folk dei ikkje kjenner. Det verkar rart, for dei politiske partii vert berre girugare og girugare med valkamptilfanget sitt. Det er mi røynsla. Dyre fargeplakatar er ikkje noko ein gjev frå seg til kven som helst.

Logikken til Raudts ungdom tek likevel kaka. Dei byrjar å hengja upp plakatar som skal vera frå eit departement. Då meiner dei at deptet bryt lovi. Korleis kann dei hevda det når dei segjer at plakatupphengjaren er uskuldig og dei sjølve vert tekne på fersken i å tilstå å ha utført udåden?
Nei, eg segjer som danske politifolk, me gjev dei so store bøter at det svid. Det kann vonlegt læra bermen folkeskikk. Det nyttar ikkje med silkehanskar.

http://www.bt.no/nyheter/lokalt/Disse-plakatene-er-ulovlige-935852.html

Bybana med nye sideverknader

2009-09-24T00:49:00.002+02:00

Bybana i Bergen endrar bybiletet og skulde få folk til å endra vanar i høve til transportval. No viser det seg at syklistar vert utsette for fårlege trikkespor. Ein syklist hev hamna på sjukehus, og det kann vera tale um fleire nestenulukkor.

Det utrulege med bybana er at ho stort sett ser ut til å skulla gå på vegar der folk elles køyrer bil. Bybana vil altso ikkje verta meir effektiv enn trikken i t.d Oslo. Når trafikken stoppar upp, stoppar bybana upp. Og i tillegg til det so vert det mindre plass til den resterande trafikken, og det er tydelegvis syklistane som må lida for det.

Der andre byar i Skandinavia greider å setja av meir plass til trafikken, vert det mindre plass i Bergen. Jamvel Gøteborg med sine mange bruer og forviklingar greider seg betre enn Bergen.

Hadde ein gjort som i Stockholm kunde ein ha late ei tunnelbana gå yvergrunnen der ein må og fenge ho under grunnen so snøgt som råd. Ei bybane gjenom fjelli til folkerike bydelar er meir fornuftig enn trikk midt på yvertrafikerte vegar til Fana.

So fær me som lever sjå um korleis galskapen held fram. Men tenk um me hadde havt tyske ingeniørar og svenske politikarar. Kva vilde ikkje Noreg ha vore då? Svenske vegar er jo laga for ferdsla, medan norske vegar skrik ut um sabotasje og neglisjering.

http://www.bt.no/nyheter/lokalt/--Kaigaten-er-en-sykkelfelle-935406.html

Dei homofile mobbar kvarandre

2009-09-20T16:17:00.002+02:00

So kom det endeleg for ein dag. Det er ikkje heterofile gutar som mobbar dei homofile. Det er derimot homofile og bifile som mobbar kvarandre. Heterofile gutar er kort og godt ikkje spesielt interesserte i homofili. Den dagen me fær påvist at det er homolobbyen som diskuterar med seg sjølv um homofile krav, er det grunn til å jubla. Då kann kannhenda merksemdi kring homofili koma ned på det nivået ho høyrer heime.

Me ei slik undersøkjing kann ein iallfall slå fast at det er ikkje dei heterofile som ev. mobbar dei homofile til døde. Sjansane for at dei sjølve gjer det er fleire gonger høgare. Det vil altso segja at dei organiserte homofile bør jobba med å nå dei som er målgruppa deira frå fyrr, homofile som er i skåpet.

http://www.bt.no/nyheter/Homofile-gutar-mobbar-mest-933727.html

Sponheim-biletet er komplett

2009-09-18T12:46:00.002+02:00

Sponheim og Stoltenberg var i samtalar um samarbeid, fær me vita i BT i dag. Vinstre er eit sosialistisk parti, og dei som vil ha eit borgarleg fleirtal ved neste val kann ikkje røysta på Vinstre. Det kann aldri og vil aldri skje.

http://www.aftenposten.no/nyheter/iriks/politikk/article3276064.ece

Kven har rett?

2009-09-18T12:45:00.001+02:00

Underskrivne får kjeft frå ulike hald for si steile haldning i
spursmålet um politisk samarbeid.
Som dei fleste av mine lesarar veit, vil eg ikkje under noko høve
samarbeida med sosialistar politisk. Serskilt gjeld det Arbeidarpartiet.
Når andre segjer det same - berre byter ut AP med FrP; slik Hareide og
Sponheim gjer det, er det snøgt lettare å svelgja...
Kvifor er det slik?
FrP er berre verdslege, medan Ap er ateistiske. Eg vil helr velgja
kolera frå pest. Det kan ein nemleg kurera.

"Koseskole"

2009-09-17T09:07:00.000+02:00

AP vurderar å ta utdanningsministeren frå SV, melder media i dag. SV
blir skulda for å ha gjort skolen til ein "koseskole".
Når sant skal segjast, og det bør det, hev nok AP rett i det. På den
andre sida hev ikkje AP noko å skryta over dei held', sidan det er dei
som hev ført i pennen einskapsskulen, som meir enn noko anna hev
undergravd kunnskapen i Noreg gjenom tvo generasjonar.

Farsen kring skandalepresten held fram

2009-09-17T00:45:00.002+02:00

Einar Gelius held fram med å stikka seg fram utan å taka serleg mykje sjølvkritikk er det likt til. Det er viktigare å vera i media enn å ha rett. Den mediestrategien er interessant.

Ein journalist tykte det var naturleg å spyrja biskopen um kva han skal gjera med skandalepresten. Biskopen kunde naturleg nok ha svara ingi kommentarar, men vart tydelegvis pressa på bana, og ordla seg rundt um at det kunde vera høveleg at han og Gelius tok ein samtale.

Gelius slo automatisk til med avleidingsmanøvaren at dette var dårleg personal politikk. Biskopen burde ha kontakta Gelius direkte. Men korleis driv ein eigenleg sund personalpolitikk andsynes ein person som er so lite viljug til å trekkja seg attende frå den offentlege merksemdi som skandalepresten. Det må ein undra seg yver.

Ein frå pressehopen lura på um ikkje Gelius var redd for å mista jobben. Nei, det verka som at fotballen var viktigare for han. Partisekretæren i Arbeidarpartiet trekte seg frå jobben som styreformann i Vålerengi i valkampen. Der var det ingen tvil um prioriteringi.

Gelius vil truleg gjera det motsette, um han kjem i ein tilnærma lik situasjon. Nokon burde hjelpa skandalepresten ut av kyrkja. Det vert neppe biskopen.

Skandaleprest med nytt idiotstunt

2009-09-16T00:53:00.002+02:00

Einar Gelius skandalepresten frå Vålerengi som er meir inkluderande i kyrkjesynet enn i fotballsynet, der er han utruleg trongsynt, hev gjenge rett i strupen på Lyn.

Lyn hev slite og drive uforsvarleg lenge. Bakgrunnen for dette er lang som eit vondt år. Når dei no hev 17 millionar kronor i underskot og skal møta Vålerengi, kann ikkje Gelius dy seg. Han hev spela inn filminnslag der han held gravferdstale yver Lyn.

Det er ille nok å blanda fotball og teologi. At ein prest leikar seg med kyrkjelege handlingar og genrar på denne måten viser berre kor ynkelegt det stend til med både kyrkja og presten. Kannhenda Gelius heller skulde ha satsa på ein karriere som klovn på sirkus?

Er det denne galskapen som skal opna kyrkja bør nokon henta lykjelen læsa att døri og kasta lykjelen i sjøen.

Sponheim tok politisk sjølvmord

2009-09-15T10:08:00.005+02:00

Eg hev fleire gonger vore undrande til Lars Sponheims utsegner og framferd i høve til valet. Alt for lenge sidan kunde me slå fast at han vilde prioritera ei Stoltenberg-regjering framfyre ei borgarleg regjering. Likevel hev han stade fast på at han og Vinstre høyrer til den borgarlege sida.

No gjekk det som ein kunde frykta Vinstre var ein femtekolonist og veljarane gjekk langt i å slå det fast. So kann ein berre spyrja seg um kva som hadde hendt um han hadde valt den sosialistiske sida.

Vinstre enda med 2 mandat, Sponheim sluttar som partileidar og Vinstre er so godt som utradert av norsk politikk på Stortinget dei neste fire åri. Kva uppsummerar Sponheim med? Jau, han burde ha bygt mur mot høgrekreftene. For alle som enno måtte vera i tvil. Det finst ikkje lenger noko borgarleg parti som heiter Vinstre. Dersom Vinstre vil endra på dette, so hev dei ein lang veg å gå. So spørst det um dei kann lefla seg inn med AP,SV og SP, men det er vel langt frå upplagt. Det burde dei jo ha gjort for eit år sidan.

Vinstre hev på alle måtar rota seg burt med å vera uklårt og vinglute. No stend det berre att for dei andre borgarlege partii å reisa kjerringi.