Men kva med til dømes markeringi av Pakistan sin n...

2008-05-16T10:24:00.000+02:00

Men kva med til dømes markeringi av Pakistan sin nasjonaldag, som Per Ditlev Simonsen pla vera med på? Skipingi av Pakistan var då visseleg ein stor katastrofe for alle dei hinduane som vart kjeppjaga og etniske reinska ut or landet sitt. Eg kjenner personleg indarar som hev foreldre og besteforeldre frå det som ein gong vart kalla Bengal, men som seinare vart Aust-Pakistan og i dag heiter Bangladesh. Her var det ikkje noko kjære mor då landet med det karakteristiske hovudstadsnamnet Islamabad såg dagsens ljos. For framtidi bør det vera eit krav at ingen offisielle norske politikarar møter fram i pro-pakistanske samlingar utan at dei samstundes er med på eit FOMI-møte som set fokus på andre sidor av saki.

Det er då heilt låttelegt å jamstella ei offisiell...

2008-05-16T10:14:00.000+02:00

Det er då heilt låttelegt å jamstella ei offisiell markering av at Israel faktisk framleis eksisterar - i tråd med alle dei FN-vedtak som er gjorde um dette framigjenom - og trass i ei rad ulovlege åtakskrigar frå arabarland - og det at ein interesseorganisasjon som Palestinakomiteen fyrst møter fram utanfor og lagar bråk og etterpå skal halda endå ei markering for seg sjølve um saki. Kva er det neste, at ein ikkje kann vera med på ei minnemarkering for holocaust utan at palestinske flyktningar fær sitt, der med?

Kor som er, det er bergensordføraren sjølv som er feig og ikkje set foten ned og segjer nei. At Palestina-aktivistane står på for si sak og pressar politikarar til å ta eit standpunkt er det vandslegt å kritisera dei for. Me israelsvenene hadde vel gjort det same, som du allereide er inne på i slutten av innlegget ditt?

Comments on Målmannen: Bergensarar tvinga til å stydja palestina-fascisme...

Men kva med til dømes markeringi av Pakistan sin n...

Det er då heilt låttelegt å jamstella ei offisiell...